Потребата од нова работа не е само предизвик, туку и шанса да донесеш правилна одлука. Сепак, многумина го започнуваат процесот со претпоставки, шаблонски пристап и без јасна стратегија што често води до фрустрација, одбивања или долгорочна стагнација.
Во продолжение, издвојуваме пет грешки што најчесто ги среќаваме кај оние кои бараат работа, без разлика дали се млади кои штотуку излегуваат на пазарот, или веќе искусни професионалци кои сакаат промена.
ФОКУСОТ Е САМО НА CV-ТО
Мислењето дека „добро напишано CV е доволно“ е една од најчестите заблуди. Реалноста е дека CV-то е само еден мал дел од целокупната слика. Без јасна цел, препознатлива лична приказна и доследна комуникација, CV-то станува уште еден документ во купот.
Наместо тоа: Постави стратегија – што сакаш, каде се гледаш, и зошто токму таму?
ИСТО МОТИВАЦИСКО ПИСМО ЗА СЕКОЈ ОГЛАС
„Copy – paste“ пристапот ретко функционира. Работодавците веднаш препознаваат кога некој аплицира масовно. Успешната пријава бара контекстуализирана порака, каде се покажува разбирање за компанијата и јасно се поврзува твојот профил со нивните потреби.
Наместо тоа: Третирај ја секоја пријава како проект – кратко, прецизно и фокусирано.
ИГНОРИРАЊЕ НА НЕТВОРКИНГОТ
Многу луѓе и понатаму се потпираат исклучиво на огласи. Но, реално, голем дел од работните места никогаш не се објавуваат јавно.
Наместо тоа: Вклучи се во професионални заедници, информирај ги луѓето околу тебе дека си во потрага, барај совет – не само препорака.
ЧЕКАЊЕ „СОВРШЕН ОГЛАС“ НАМЕСТО ПРОАКТИВНОСТ
Многумина чекаат да се појави „работа од соништата“ и пропуштаат мали шанси кои можат да водат кон големи врати. Кариерата ретко кога е линија – таа е скала.
Наместо тоа: Биди проактивен – иницирај разговори, испрати сопствена понуда, пријави се на иницијативи.
НЕДОСТАТОК НА ПРЕТПРИЕМАЧКИ ПРИСТАП
Кариерата е твој „бизнис“! А секој успешен бизнис започнува со план, јасна цел и постојано подобрување. Луѓето често гледаат на себе како на „вработени“, наместо како на професионалци со сопствена вредност.
Наместо тоа: Размислувај како претприемач – инвестирај во себе, анализирај го пазарот, и постави стратегија.
—
ТУКА СМЕ ЗА ДА ПОМОГНЕМЕ
Во I Career Center, не нудиме генерализирани совети. Работиме индивидуално, со секој клиент, изработуваме персонализирана стратегија, и помагаме не само да се најде работа, туку и да се гради кариера во систинска насока. Затоа што не бараме огласи – бараме насока и не пополнуваме формулари – градиме планови.
Ако и ти се препознаваш во некоја од горните грешки – не е доцна. Напротив, тоа е добар знак дека е време да почнеш поинаку.
Твојата кариера започнува или напредува со вистински пристап. А тој пристап започнува тука.
